--------------------------------------------------------------------------------
السلام عليكم ورحمة الله وبركاته
إيه [ خنتك ] ..
لأجل أنا أرد إعتباري ..!
صح هنتك ..
و ماني محتاجة أداري
و لا ترجى إعتذاري ..!
وأسمع اللي لك بقوله
يا تفآهات الطفولة
ماني بذيك الخجولة
و بجرحك يآ جارحي ..!
شفت وشلون الخيانة قاسية
لحد " الإهانة " ..!
مير من باب الميانة
قلت مثلك بطعنك
و أنت بحدود البكي
لا تكثّر بالحكي
و لا تظن أنك ذكي
و أنت جرحي يسكنك ..!
تهمتك لي [ الخيانة ]
زيد معها ..
سبق إصرار و ترصد..!
يعني النية في قلبي / نية مبية
لأني أصلا و بصراحة ..
خنت عمدا
لأجل أوريك اللي شفته
ولا تظن إني " جبانة "
جيت أواجه ..!
و أسمع لهرجي رجاء
خنتني يوم الوفاء فيني كبير
يعني أنت اللي بديت
هنتني يوم العطاء مني كثير
ودون مآ أدري ..
قسيت ..!
و الفعل لا بد له / ردة فعل ..!
و أنا منك أنعميت
قلت أسوي مثل فعلك
ثم فعلت ..! ليه بفهم .. أنفعلت ..!
آه يا ذا [ المجتمع ]
الصداقة للرجل
و الخطايا للرجل
و الخيانة للرجل
قابلينه في خطاه ..!
بس إحنا
ما لنا غير الخجل
و التغلي و الوجل
و الله أعطانا قلوب .. تعشق بصدق / وتذوب
و لجل حب اللي نحب
نسعى حتى للدجل ..!
آه ما أغباه قلبي يوم ظنيت الوفاء .. و العاطفة
و إحساس الدفا
ممكن إنها تجتمع بهالزمن في قلب واحد
يآ خايني / مع السلامة ..!
رح مع ذاك الطريق
خنتك لأنك تستحق الطعن و كفوف الغدر
منت بكفو بنتٍ وفية تملك الحب العميق
طابت جروحي يوم شفتك
منصدم بي منقهر ..!
مما راق لي...
