السلام عليكم ورحمة الله وبركاته
كتبت هذه الأبيات المتواضعه هذا اليوم وهي تعبر عن فتره من الفترات التي عشتها وصورتها بالشعرأتمنى أن تحوز على رضاكم ..............ولكم تحيات محبكم ........نايف
أعياد مرت علي من حسبة أزماني
مع الولايف مع الصدقان مذكوره
أعياد مره فرح مرات أحزاني
أحيان نفسي حزينه حين مسروره
ذقت العنا ثم صرت معلول مرضاني
ثلاثة اعوام وسط البال محفوره
أبعدت عن هالناس بالكون وحداني
ودموع عيني على الوجنات منثوره
تكبروا واقفوا بعد عز خلاني
يوم انظروا رجلي من الساق مكسوره
ثم دارت الأيام والمعبود شافاني
شفت العدا تبكي من الهم مقهوره
ان قدر الله لاجازي شخص عاداني
الشامت النمام بو نفس مغروره
وبالطيب اجازي شخص وقف وواساني
وأقوله أفعالك من القلب مشكوره
أنا أحمد الله على ماصار ماجاني
كل الحوادث من الديان مقدوره
يمكن انا زليت في سالف أزماني
ادم مع حوا قضيته مشهوره
مابه أحد معصوم من جان وانساني
وافضال رب الكون ماهي بمنكوره
ماحسبت تنكرنا يانور الاعياني
خليت روحي عقب فرقاك مفطوره
ش اللي حصل مني أنا يوم تجفاني
وانا معك نفسي محبه ومبروره
انته عدو(ن) لي وألد عدواني
واليوم دعواك يالغدار مخسوره
كنت احسب انك صديق وخير أعواني
لكن تباعدت يوم الحال معثوره
ماهمك التعذيب وانواع حرماني
ماهمك اللي السقم طفا سنا نوره
أبوي صالح على الإعزاز رباني
والد نعم نفسه على الطيب مذكوره
وقال لي حاجه مهمه ووصاني
إن صحبة الغدار ماهي بمسروره
وقال لي رد الوفا طيب وإحساني
واللي غدر تلقاه له نفس مدحوره
وقال لي تلقى جحوده ونكراني
يهدم بيوت الود مبناه وجسوره
فاليوم انا مبغاك تعشق وتهواني
بامشي على ماقال صالح على شوره
محيتك من القلب فكري ووجداني
وإنته غريق الهجر في لجة بحوره
ودارت رحى الايام وإنسان لاقاني
خل(ن)يهز الناس من لمح منظوره
أخلص معي بالحب مبدأوعنواني
وقال لي فرقاك بالقبر مقبوره
وأنا احمد الله على ماصار ماجاني
كل الحوادث من الديان مقدوره
